Albisteak

Elikagaien kontsumoa etengabe aldatzen ari denez, behar beharrezkoa da, bai ekoizleak (salmenta zuzena edo bitartekari bidez merkaturatu) bai eraldatzaileak (gazta, txakolina, sagardoa, piparra, fruta, harakiak, esnekiak, eztia, etb) ondo informatuta egotea etorkizun hurbilean datozen joera eta jokabideaz, ezagu ostean, hartu beharreko erabakiak hartzeko.

AZTI-Tecnalia ikerkuntza zentrauk argitaratu berri du elikagaien kontsumoan emango diren joerei buruzko azterketa bat EATendencias izenpean eta hain zuzen horregatik, ENBA nekazal elkarteak oso komenigarritzat jo du azterketa horren egileekin hitzaldi informatiboa antolatzea, ekoizle eta eraldatzaileak zuzen-zuzenean ezagutu ditzaten etorkizuneko elikagai kontsumoko jokabideak, heurek ekoiztu eta eraldatzerakoan, erabaki edota egokitu beharrekoak erabakitzeko.

Hitzaldi informatiboa Maiatzaren 25ean, asteazkena, ospatuko da, goizeko 11tatik 13ra Tolosako ENBAren egoitzako aretoan. Hizlariak: AZTI-Tecnaliako Nagore Picaza eta Eneka Labriska

Aurrez izena ematea erregutzen da. 943.650123 / This email address is being protected from spambots. You need JavaScript enabled to view it.

Gaur argitaratutako Euskadiko Aldizkari Ofizialean 20/2016 DEKRETUA, otsailaren 16koa, argitaratu da eta honen bitartez, Euskal Autonomia Erkidegoan Nekazaritza Politika Erkidearen (NPE) zuzeneko laguntzen erregimenak, Nekazaritza Lursailak Identifikatzeko Informazio Geografikoaren Sistema (SIGPAC) eta laguntzen onuradunek bete beharreko baldintzak arautuko dira aurrerantzean.

Dekretu honekin honakoak arautzen dira: Nekazaritza Politika Erkidearen oinarrizko ordainketaren erregimenerako eskubideak esleitzea, Erkidegoko honako laguntza-erregimen hauek (Oinarrizko ordainketa, Klimarako eta ingurumenerako jardunbide onuragarriak aplikatzeko ordainketa, Nekazaritza-jardueran hasten diren nekazari gazteentzako ordainketa osagarria, Ordainketa elkartuak, Nekazaritzako ustiategi txikietarako erregimen sinplifikatua, Nekazaritza Lursailak Identifikatzeko Informazio Geografikoaren Sistema (SIGPAC) eta Zuzeneko ordainketak, landa-garapenerako laguntza jakin batzuk edo mahastizaintzako eta ardogintzako sektoreko zenbait programa betez egindako ordainketak eskuratu dituzten pertsonek bete behar dituzten baldintza-arauak.

Bizkaiko Foru Aldundiak apirilaren 13an Mendialdeko zailtasun naturalak kopentsatzeko laguntzak arautu eta 2016ko deialdia jasotzen duen duen Foru Dekretua argitaratu berri du eta honezaz gain, apirilaren 14an, aholkularitza erabiltzeagatik, ordezkapenak eta nekazal aseguruetarako laguntzak jasotzen dituen Foru Dekretua ere argitaratu du.

Gipuzkoako Foru Aldundiaren kasuan, Mendialdeko zailtasun naturalak konpentsatzeko laguntzak, agroambientalak eta ekoizpen ekologikorako laguntzak arautzen duen Foru Dekretua argitaratu zuen eta ondoren bai Mendialdeko Kopentsazio laguntzen deialdia bai agroambientalak eta ekoizpen ekologikorako laguntzen deialdia atera berri du.

Gipuzkoako Parketxe Sareak antolatuta, ostiral arratsaldean Ordiziako Barrena Jauregian Abelzaintza eta Aralar arteko harremana edo beharraz mintzatu ziren bai Arantza Aldeazabal ikerlariak bai ondoren ospatutako mahainguruko kideak, besteak beste, ENBAko koordinatzailea den Xabier Iraola.

Arantza Aldezabal, EHUko ikerlariak, azken hamar urteotan talde anitz eta zabal batek eginiko lanaren emaitzak aurkeztu zituen, une oro abelzaintzak mendiko larretokietan eragindako onurak azpimarratuz, belar kalitatea hobetuz eta biodibertsitatea gehituz. Bere esanetan mendiko larretoki eta mendiko abelzaintzaren etorkizuna uztarturik doaz, gaur egun ezagutzen dugun Aralar oso ezberdina bait litzake abeltzainek abereekin egiten duten kudeaketarik gabe.

Mahainguruan ENBAko Xabier Iraolak mendia eta larretokiak kudeatu beharra azpimarratu zuen, kudeaketaren ezan utzikeria eta sasia nagusitzen baitira. Bide batez, Aralarreko mendietan jarduten diren abeltzain eta artzainentzat bizitzeko eta lanegiteko baldintza egokienak aldarrikatu zituen hala nola txabolak berritzea eta bide egokiak egitea.