Gaur goizean, Gipuzkoako ENBA nekazal sindikatuak bere Ohizko Batzarra ospatu du Tolosako Musika Eskolan. Batzarrean ENBAko bazkideak, Aldundiko zuzendaria den Koldo Lizarralde eta nekazal sektoreko hainbat entitatetako ordezkari izan dira.

Sektoreko hainbat datu eman ostean, Europako Nekazal Politikaren erreformaren aurka jardun da eta Euskaldiko sektorearen aurkako posizionamendua landu eta batutzeko deialdia egin dio Unzalu sailburuari, Madrileko eta Bruselaseko agintarien aurrean, herri bezala, posizionamendu bakarra eta bateratua aurkeztuz. Arteagaren ustean Madrildik defendatzen den estatuko aplikazioaren aurrean, gure ekoizpen sektoreari hobeto egokitzeko, behar beharrezkoa da eskualdekako aplikazioa.

Jaurlaritzak 17/2008 legeak aurreikusten duen Artisau ekoizpenaren definizioa aldatu nahi du, elikagai industriaren onerako eta baserriko ekoizpena eraldatzen duten baserritarren kaltetarako.

Jaurlaritzak, azken unean eta atzeko atetik, legebiltzarrean ematen ari den beste tramitazioaz baliatu nahi du, artisau ekoizpenari buruz duen ideia inposatzeko eta hain zuzen horrexegatik, ENBA nekazal elkarteak Legebiltzarrera joko du lege aldaketa maltzur honi ateak ixteko asmoz.

BIHAR, legebiltzarrean gai honi buruzko ponentzia osatzen dela eta, ENBA aldetik gure ezezko borobila eman nahi diegu eta espero dugu, orain arte bezala, oposizioko talde politiko guztien babesa jasotzea.